Nómi: Avistrus
Nómi Sientífiku: Struthio camelus
E avi mas grandi di Mundu. Un avistrus pode peza dos bes mas ki un ómi i el pode midi mas di dos métru di altura. Avistrus e un avi grandi di mas pa el pode bua. El e kel animal di dos pe, mas rapidu ki ten. Ses dos dédu na kada pe e ki ta djudal kóre faxi si. Óras ki un inimigu ta atakal, el ta fuji, ta kóre, i un pezada disel pode surpriende te un lion. Tó k’es ta spanta es ka ta kanba kabésa na rea, sima txeu algen ta pensa.
Es ta vive na Áfrika, es ta anda grupu grupu, komandadu pa un matxu. Kes fémia ta poi ses ovu, branku i grandi, na un ninhu ki kel fémia prinsipal ta koba na rea. Kel matxu ta deta na txóka di noti i el ta djuda kes femia kuida di ses pinton.
Morabi Pires, na Xatiadu Si Nu 1, Seri II.
Bibliografia konsultadu:
- Moderna Enciclopédia de animais, Tómu I, Circulo de leitores.
- Everest Enciclopedia Escolar, John Panton. Vulumi 2.
